Чăваш Ен Пуçлăхĕ Олег Николаев пуçарнипе республикăра пурнăçланакан «Сывлăх патне тунă утăм» проект тĕлле-вĕсемпе килĕшÿллĕн çурла уйăхĕн 13-мĕшĕнче сывлăх сыхлавçисен десанчĕ Пĕчĕк Упакасси ялĕнче пулнă.

Ял çыннисем тухтăрсене хапăлласа кĕтсе илнĕ, хăйсен сывлăхĕсене вырăнтах тĕрĕслесе пăхма май пулнипе усă курса юлма тăрăшса, вĕсем пĕрин хыççăн тепри шурă халатлисем патне йышăнăва пынă. +апла пĕр вăхăтрах ЭКГ тĕпчевĕ витĕр тухнă, юн пусăмне, юнри сахăр, холестерин виçине экспресс-анализ туса тĕрĕслеттернĕ, ÿт-пĕвĕн çÿллĕшĕпе йывăрăшне виçсе пăхса индексне шутлаттарнă. Кунсăр пуçне вĕсем терапевтран, дерматологран, хирургран тата ытти специалист-сенчен кирлĕ консультаци илме пултарнă.