Çак кунсенче республикăра чăваш литературин классикĕ К.В. Иванов çуралнăранпа 130 çул çитнине паллă тăваççĕ, тĕрлĕ конкурссем иртеççĕ. Вĕсенчен пĕри - регионсен шайĕнчи «Çĕнĕ хум» литература пултарулăх конкурсĕ. Ăна Чăваш Республикин Культура, национальноçсен ĕçĕсен тата архив ĕçĕн министерстви, Чăваш наци конгресĕ, Чăваш Республикин наци библиотеки ирттерчĕ.. Конкурса Чăваш, Тутар республикисенчи тата Чĕмпĕр облаçĕнчи шкул ачисемпе çамрăксем хутшăннă. Вĕсем хушшинче Йěпреç районěнчи Пучинке шкулĕн вĕренекенě В. Семенова та пур. «Чи лайăх сăвă» номинацире вăл  2-мĕш вырăна тухма пултарчĕ.

Маттур, Виктория! Саламлатпăр сана, малашне те пултарулăха аталантарса пыма вăй-хал, ăнăçу сунатпăр!

Сайт Ибресинского района