Унта Республика Пуҫлӑхӗ тата влаҫ органӗсем хутшӑнаҫҫӗ.

Йĕпреҫ округĕн пуҫлӑхĕ Игорь Семенов иртнĕ 5 ҫулта туса ирттернӗ ӗҫсемпе паллаштарчĕ, ҫитес 6 ҫулхи тӗллевсемпе паллаштарчӗ. 

Палӑртмалла, Пучинкери сĕт-ҫу завочĕ аван аталанать. М-12 ҫул ҫывӑхра пулни те Йĕпреҫсене ырӑ витĕм кӳрет, анчах та автоҫула тунӑ чухне округри ҫулсем юрӑхсӑра тухнӑ. Вӗсене 2026-30-мӗш ҫулсене йӗркене кӗртме палӑртнӑ.

Кӑҫал Йӗпреҫ тӑрӑхне кӗрекен Кĕлĕмкасси ялĕнче ҫĕнĕ шкул ҫĕклеме палӑртнӑ. Унсӑр пуҫне, Хурамалта 150 вырӑнлӑ култьура ҫурчӗ тӑваҫҫӗ. Подрядчик палӑртнӑ тӑрӑх, ака уйӑхĕнче шалти отделка ĕҫĕсене пурнӑҫлама пуҫлӗҫ. 

Йĕпреҫ округĕнче 5 ҫулта 3 ФАП тунӑ, 10 земство тухтӑрĕ ĕҫлеме килнĕ. Кӑҫал Ирҫе Ҫармӑс ялĕнче тухтӑр практикин офисне тума палӑртнӑ.