Чăваш Енре Сарту облаçĕнчи виçĕ арçынна суд тунă. Вĕсене кунти усламçăна вăрланăшăн явап тыттарнă. Вĕсене 7 çултан пуçласа 12 çул таран çирĕп тата ятарлă режимлă колоние хупма йышăннă, пĕрне вара малтанхи икĕ çулне тĕрмене лартма йышăннă, кайран ăна колоние куçарĕç.

Усал шухăш тытнăскерсем усламçăна вăрласа кайнă. Ăна ирĕке яма 1 миллион тенкĕ укçа ыйтнă. Усламçăна хĕненĕ, çĕçĕпе хăратнă. Чăваш Ен тăрăх çÿренĕ чухне вĕсем вăрланă арçăннăн банк карттипе топливăшăн тÿленĕ.

Хула тăрăх пынă чухне чарăнусенчен пĕринче усламçă тарса ÿкнĕ. Çынна вăрлакансене Росгварди ĕçченĕсем тытса чарнă.