Чăваш Енре «Единая Россия» партин «Таса çĕршыв» проекчĕпе килĕшÿллĕн çуркуннехи санитарипе экологи уйăхлăхĕ пуçланнă.

Туçа ялĕнчи активистсем уйăхлăха çийĕнчех хутшăннă. Çăмăл алăллă пулса, тăван тавралăха тирпей-илем кĕртес тĕллевпе ирттерекен çурхи пĕрремĕш субботнике вĕсем ыттисенчен чи малтан тухнă, пĕр шухăш-тĕллевлĕ пулса, коммуналлă хытă каяшсем пуçтаракан контейнерсен йĕри-таврашĕнче, ача-пăча вылямалли тата спорт площадкинче, астăвăма упракан мемориал палăкĕсен лапамĕнче хĕл каçипе пухăнса кайнă çÿп-çапа шăлса тасатнă. Ырă кăмăллăх ĕçĕсенче ял старости Олег Гаврилов, хĕрарăмсен канашĕн ертÿçи Ираида Ильина тата Анатолий Павловпа Алексей Ефимов, Аленăпа Зинаида Новиковасем пуçаруллă пулнă.

Кĕлĕмкассинчи активист-сем те, ĕçчен туçасенчен тĕслĕх илсе, çÿп-çап контейнерĕсен площадкисенче тирпейлĕх тăвассипе субботник ирттернĕ.