Çак кунсенче Пучинкере пурăнакан Зинаида Данилова сумлă юбилейне уявларĕ. Ăна çак савăк кунпа Пучинке территори пайĕн пуçлăхĕ Валерий Иванов саламланă.

Зинаида Максимовна чылай вăхăт Пучинке ял администрацийĕнче вăй хунă. Каярахпа «Красный партизан» хуçалăхра ĕçлесе тивĕçлĕ канăва тухнă. Ĕçре пысăк тÿпе хывнăшăн Зинаида Максимовнăна чылай хисеп тата тав хучĕсемпе наградăланă.

Мăшăрĕпе вĕсем пилĕк ача çуратса ÿстерсе пурнăç çулĕ çине кăларнă. Халĕ вĕсене йышлă мăнукĕсем савăнтараççĕ.

Зинаида Максимовна  общество пурнăçне питĕ хастар хутшăнать, маскировка тетĕлĕсем çыхма çÿрет.

Анна Михайлова