Акросăвă

Çĕнĕ çул та çывхарса пырать.

Ĕмĕт-тĕллевсем çула тухаççĕ.

Никĕсе чи çирĕппи выртать,

Тÿперен çут çăлтăрсем пăхаççĕ...

Ентешсем хавхаланса утаççĕ,

Рекордсем кĕтеççĕ вĕсене.

Ĕсĕмсем тарпа-çке çуралаççĕ,

Шухăш хăвалать тек ĕçчене.

Ĕлĕкрен çĕнтерÿпе тăванлă,

Нихăш вăй та чараймасть пире!

Сăмах панă-тăк - хыватпăр анлă,

Аслă çул эпир кĕрешÿре!

Намăс мар - çакна аван туятпăр,

Çитмеллех мĕн палăртни патне.

Ырă кăмăлпа алла тытатпăр

Вулама районăн пичетне.

Ăслă канашсем парсах тăнишĕн

Хисеплетпĕр мар-и хаçатне!

Тусăмçăм, тăванăм, çамрăк йышăм!

Урăх мĕн сунар сире тата;

Савăнсах почта çуртне васкар,

Усăллă ĕç ытларах тăвар!..

                                   Эл. Вăркан