Кăçалхи авăн уйăхĕн 1-мĕшĕнчен Раççейре коммуналлă хытă каяшсемпе (ТКО) çыхăннă çĕнĕ йĕркесем вăя кĕнĕ.

Вĕсемпе килĕшÿллĕн контейнерсем вырнаçтарнă вырăнсенче тата контейнера  хăйне  йывăç-тĕм тураттисене тата ÿсен-тăран юлашкисене купаласа хума юрамасть.

«Çакă контейнерсемпе усă куракансене пурне те пырса тивет. Субботниксенче йывăçсене касса тирпейленĕ хыççăн мероприятисене йĕркелекенсен туратсене хăйсен илсе тухмалла е çак енпе тимлекен организаципе ятарлă договор тумалла», - пĕлтереççĕ Чăваш Республикин çутçанталăк министерствинчен.

Çак йĕркесене пăхăнмасан çынсене административлă явап тыттараççĕ. Граждансене 3 пин тенкĕ таран, юридици сăпачĕсене 250 пин тенкĕ таран штрафлама пултараççĕ.