Ăна укçан туянаймăн. Çакна пурте ăнланаççĕ.. Апла пулин те, нумайăшĕ хăйĕн сывлăхне тимлĕх уйăрмасть: пĕрин вăхăт çук, тепри яланах ырана хăварать. Кашни çыннăн хăйĕн сывлăхне тĕрĕслеме меллĕ май туса парас тесе Чăваш Республикин пуçлăхĕ Олег Николаев «Сывлăх патне утăм» проекта хута янă.

Районти больница специалисчĕсем, палăртса хунă графикпе, окургри ялсене çитсе хăйсен пулăшăвне сĕнеççĕ. Ĕнер кăна-ха вĕсем Энтриел ялне çитнĕ.

«Ялтан тухмасăрах, кил умĕ,нче тенĕ пекех, темиçе тухтăр патĕнче пулса хама кирлĕ ыйтусене татрăм. Юн та илеççĕ, ЭКГ тухма та самантрах. Ку вара питĕ меллĕ»: - тенĕ Людмила Зорина,

Тухтăрсем пурĕ 115 çынна йышăннă. Паян вара сывлăх сыхлавĕн ĕçченĕсем Эйпеç ялне çитме палăртнă.

Анна Михайлова