Хурамал ялĕнче пурăнакан Николай Кузнецов патшалăх укçипе вĕлле хурчĕ ĕрчетет.

Вăл 2025 çул пуçламăшĕнче Социаллă пулăшу паракан центр çумĕнчи ведомствăсем хушшинчи комиссие социаллă контракт илме ыйтса заявка тăратнă. Лайăх смета хатĕрленĕскере комисси патшалăх укçине уйăрса пама йышăннă.

«Аякри ялсенче пурăнакансене социаллă контракт пурнăçа лайăхлатма пулăшать. Эпир вĕлле хурчĕсен çемйи шутне ÿстертĕмĕр, çĕнĕ вĕллесем тата кирлĕ инвентарь туянтăмăр», - тет Николай Васильевич.

Çак пулăшăва илме «Çемье» наци проекчĕ май парать. Уйрăмах ялта пурăнакан çемьесем тимлĕх кураççĕ: пулăшупа усă курса харпăр хăй хуçалăхне аталантарма май тупаççĕ. Паллах, çакăн йышши пулăшусем регионти ялхуçалăх продукцийĕн хăрушсăрлăх шайне ÿстерме пулăшççĕ.

Хамăр инф.