Пуш уйăхĕн 22-мĕшĕнче Йĕпреç муниципалитет округĕнче шашкăлла выляма юратакан ачасем хушшинче «Асамлă шашкăсем» ятпа фестиваль-тупăшу ирттернĕ. Унта Йĕпреçри 1-мĕшпе 2-мĕш номерлĕ вăтам шкулсен тата Липовкăри тĕп  шкул командисем активлă хутшăннă.

Шашка хăми çинчи тупăшусем хĕрÿ иртнĕ, вăйă ăстисем  хăйсем пуринчен те маттуртарах пулнине ĕнентерсе пама тăрăшнă. Çапах Липовка ачисене çитекеннисем тупăнман,  команда чысне Игорь Васильевпа Юлия Иванова (6 класс), Марина Васильевăпа Артем Абрамов тата Арина Константинова (4 класс) тивĕçлĕн  хÿтĕленĕ, çĕнтерÿçĕсем пулса тăнă.