Туçара Пĕтĕм тĕнчери хĕрарăмсен кунне халалласа шахматла выляссипе тупăшу иртнĕ. Турнире пуçараканĕ – Иван Иванов. Ăмăртăва Йĕпреçри, Пучинке салинчи тата Энтриелпе Туçа ялĕсенчи аслăрах çулти шахматçăсем хутшăннă.

Вăйăçăсем хушшинче ĕç ветеранĕсемпе тивĕçлĕ канурисем ытларах пулни пĕр енчен савăнтарать, тепĕр енчен кăшт пăшăрхантарать те – çак илемлĕ спорт вăййине çамрăксене ытларах явăçтарма ĕмĕтленни çинчен систереççĕ йĕркелÿçĕсем.

Кăсăклă та «хаяр» тупăшусем хыççăн çĕнтерÿçĕсем палăрнă: Николай Давыдова (Пучинке) çитекен пулман – вăл ылтăн медале тивĕçнĕ. Иккĕмĕш вырăна Леонид Архипов (Туçа) йышăннă, виççĕмĕш вырăна Владимир Мусьтаков тухнă. Малти вырăнсене çĕнсе илнĕ шахмăтçăсене медальсемпе тата дипломсемпе чысланă.

Хамăр корр.