Кĕрешÿ Пĕтĕм Раççейри XVIII çамрăксен çар искусствин вăййисен программине кĕнĕ. Кун пирки республика ертÿçи Олег Николаев пĕлтернĕ.

«Ку паллă пулăм, кĕрешÿ кун пек пысăк ăмăртусенче пĕрремĕш хут пулĕ», - тесе пĕлтернĕ Олег Алексеевич. Ăмăртура республика чысне кам хÿтĕлесси ака уйăхĕн 19-мĕшĕнче паллă пулать. Ун чухне республика III чемпионачĕпе тата первенствипе килĕшÿллĕн суйлав тупăшăвĕсем иртĕç.

Пĕтĕм Раççейри XVIII çамрăксен çар искусствин вăййисем авăн уйăхĕн 7-23-мĕшĕсенче Анапăра тата унпа кÿршĕллĕ Витязево поселокĕнче иртĕç. Ăмăртусене 4 категорипе йĕркелеççĕ% 10-11 çулсенчисем, 12-13 çулсенчисем, 14-15 çулсенчисем, 16-21 çулсенчисем.