Ултавçăсем çын хуйхи çинче те пуяççĕ. Шăпах çавăн пек пулса тухнă Комсомольскинче пурăнакан хĕрарăмпа.

Унăн упăшки ятарлă çар операцийĕнче хыпарсăр çухалнă. Хĕрарăм унăн шăпи пирки пĕлес тесе халăх тетелĕнчи юмăçпа çыхăннă. Ростов облаçĕнчи ултавçă упăшки пирки пĕлес тесе ятарлă йăла ирттерме шантарнă. Куншăн 200 пин ытла тенкĕ ыйтнă.

Анчах ку ултав кăна пулнă. Халăх тетелĕнчи юмăç укçа-тенке кĕсйине кăна чикнĕ. Каçал тăрăхĕнчи хĕрарăм ултав серепине лекнине ăнлансан нарăс уйăхĕнче полицие кайса заявлени çырнă. Йĕрке хуралçисем Чăваш Енри хĕрарăма шăнман пăр çине лартса янă çынна хăвăртах тупнă. Ун тĕлĕшпе уголовлă ĕç пуçарнă.